曹仁超文集-第143章
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
唤衲曛械绻杉凵仙�26％，今天再升2。4％，见五十六元九角五仙。中电宣布唔加价反而受投资者欢迎（因纯利与电费加减无关），睇嚟港灯应该好好检讨一下发电效率嘅问题。
入股城市商银陆续有来
重庆市商业银行1996年由三十七个城市信用合作社合并而成，估计今年年底有三百六十亿元资产、二百八十五亿元存款，营业利润五亿元，明年将来港上市。集资三十亿元；凯雷集团宣布购入14％、大新金融（440）宣布入股11％。中国一百一十五个城市内嘅商业银行，较国有大型银行更缺乏竞争力，近期纷纷招股增加集团资本及改善服务，相信上述事件陆续有来。
飞毛腿集团（1399）首天上牌，较招股价升51％，见三元零五仙；但阳光房地产基金（435）挂牌却跌6。5％，收二元四角三仙，REITs 吸引力已大不如前。内地钢铁股下跌，宝钢跌4％、武钢跌4。8％，理由昨天我老曹已报道，因政府下调钢铁半制成品出口退税率。
香港11月份 CPI上升2。2％ （10月份升2％），其中食品价格上升3。7％，系二十个月来最大升幅，因中国进口香港嘅食品愈来愈贵；加上许多食品唔符合卫生标准而停止输港，形成本港副食品价格大幅上升。食物开支占港人总开支比重唔大，最受影响只系下层社会。
根据过去经验，股市好少喺12月份出现大跌市。11月23日恒生指数见19404点后，大市便喺18600至19400点上落。直到明年1月才作决定升降。虽然愈来愈多人加入睇淡行列，但真正沽货者唔多，佢地如果唔系太早沽咗货，就系根本上睇错大市方向。11月起恒生指数与 MACD 背驰，根据历史，MACD 背驰有正面同负面两种，例如今年5月嘅背驰曾引发抛售，但今年8月背驰却冇问题；出现背驰代表买家后劲不继。如卖家加把劲，可令股市下跌；反之，如卖家唔进行攻击，MACD 背驰可以只系牛皮市，例如11月23日至今。买家走去炒国企股及申请新股，令恒指成分股买家后劲不继，出现正面 MAGD 背驰而非负面 MACD 背驰机会好大，形成11月23日至今可做 trading，例如跌市入货、升市回吐（讲就易做就难）。最常用嘅 MACD 系十二天与二十六天线，近日十二天已重返二十六天之上，从呢点睇，经过一轮牛皮市后，明年1月股市再升机会十分大，因此不要加入抛售行列。VIX （Market Volafilify Index）过去被视为走喺股市之前三十天，今年 VIX 创十四年新低，但股市至今迟迟未跌。瑞信银行研究 VIX 嘅可信性，发现 VIX 预测股市准确性达63％；家吓 VIX 低于一百八十六天移动平均线21％，系一个几强烈嘅〃小心〃讯号。
利率方面，明年1月31日减息机会只有4％、3月21日减息机会14％、5月9日减息机会44％、6月28日减息机会80％，明年减息日子最快亦要喺第二季。2004年6月30日开始嘅加息潮今年6月完成；减息可能由明年6月才开始，但减息空间好细，估计只有两次，即联邦基金利率由五厘二五减至四厘七五，理由系明年美国面对劳工短缺问题，核心通胀率仍喺2％之上，唔会好似2001年1月至04年6月咁减成五厘半；加上长债息率较短息低半厘左右。减息相信对长期利率冇影响，只系将孳息倒挂现象改为平息（即短期与长期利率一致）。从呢点睇，明年减息对投资市场刺激极之有限。
美国 GDP 增长率已由第一季嘅5。6％降至第三季嘅2。2％，主因系楼市放缓。踏入第四季，美国楼市已稳定下来，估计明年全年美国楼价相当稳定，有大变化。基于上述假设，明年美国 GDP 增长率估计有2。6％，而唔系衰退。
香港2003年第二季开始嘅经济复苏期，到今年第二季已差唔多进入高原期，即经济仍保持繁荣，但唔再系向上升，而系有上有落，又或七上八落；唔同地区、唔同行业、唔同股份有唔同表现，投资者要问：〃What's up！〃
有人担心美国收支赤字令美元汇价转弱。纽西兰今年收支赤字接近 GDP 10％，较美国严重许多，系 OECD 国家中最大。但纽元今年4月至今却升15％！收支赤宇接近 GDP 10％亦嗜影响纽元汇价，点解收支赤字接近 GDP 7％嘅美国，美元汇价会受收支赤字影响？决定汇价主要因素系资金流向，唔系赤字。
外债唔影响汇价表现
至于外债，1979年铁娘子取消英镑嘅投资管制（Investment pool）后，过去二十六年英国外债增加咗二十倍！英镑又点？过去十六年内，曾一度见1美元兑1英镑的1993年，但依家1英镑快值2美元矣。点解英国外债狂升，英镑汇价反而上升？其实所谓外债，只系英国人嘅海外投资。英国人喺海外赚到钱晌英国消费，令英国经济八十年代至今大部分日子皆保持繁荣，证明外债唔影响英镑汇价。
中国政府唔肯畀人民币自由浮动，只系逐步取消出口产品退税及大幅提升最低工资，此举对境内制造业极之不利。中国政府希望内地厂商因此加强内销及人民因最低工资上升而增加消费，协助发展内销市场，减少对出口市场嘅依赖。上述系新凯恩斯主义，同1970年尼克逊总统提出嘅〃赤字预算案〃效果接近，系政府对经济进行干预，事后一定有后遗症，情况有如香港政府晌1990年拒绝港元升值一样。〃干预〃乃所有政府都会做嘅事，问题只系多少之分，相较全世界，香港政府系对经济干预最少嘅政府矣，希望呢项优点长存！从二千年前罗马帝国到十六世纪西班牙、法国、德国，到十九世纪英国、美国及二十世纪日本……。各国政府干预经济，最后皆付出更沉重代价，历史已多不胜数，但系仍然无法阻止各国政府官员干预经济。因为〃干预〃乃人类天性，〃积极不干预〃反而系后天学习嘅结果，有时都几无奈。
去年第四季货柜船租金开始回落，至今跌幅已达50％；反之，营运费却上升，估计明年进入稳定期。但货柜船公司今年纯利公布时，对股价仍有一定影响，未到可看好时刻。
另一令人担心嘅行业系晶片生产。今年产能上升25％后，明年喺呢方面投资全球达四百二十一亿美元，其中又以记忆晶片投资最多。明年电子产品需求会否一如今年一样劲升？估计明年第二季晶片生产已面对供过于求。
香港零售方面，今年圣诞节相信系1997年回归后最好嘅一年，不但港人消费上升，来自内地，例如深圳、广州、上海、北京等大城市嘅居民亦来港扫货，今年名牌货极度畅销，但零售股又点？虽然营业额大升。但租金及薪金升幅唔细，意味零售股纯利已见顶（炒股票系睇前景，唔系睇眼前）。
搵工居然要考酒量
REITs （Real…Estate Investment Trust）今年表现出色，尤其系领汇（823），但明年会否同样出色？房地产嘅基本因素略为改善；加上资金出路有限，系今年推高 REITs 嘅理由。展望明年，上述因素仍然存在，但相信房地产唔会进一步改善，令明年 REITs 上升空间有限，吸引力远远唔及今年。
〃你的酒量如何？〃上述居然系北京及上海一些大公司面试嘅其中一个问题，部分更当场测试，要求应征大学生当场饮一杯二锅头再问问题，有几个大学生连饮四、五杯一 D 事都冇，便当场录用！搵工居然要考酒量，相信系中国特有！亦可以反映内地嘅问题；公司一有问题就搵高官饮酒食饭搞掂。希望内地饮酒文化适可而止，不然真系失礼死人。
内地人做七嘢也狂！今年股市大旺、楼价不前，唔少内地人开始卖楼去炒股票。从21世纪不动产嘅客户资料睇，依家上海、北京、温州等地唔少房主急于将自己嘅房子变现，不惜售价比同区域同类型房子低5％至10％，条件系买家必须付全款，以便把资金投入股票市场。形成部分房子售价较市场低10％。上述情况更向其他城市蔓延开去，相信好快形成潮流。中国投资者咁疯狂，内地 A 股前景有 D 令人担心【图】！
中日之间经济此消彼长，从澳洲游客数字可见一二。日本游客1996年见顶，共八十一万三千人次，其后按年回落至今，日本游客已减少17％；消费更由2001年起回落，至今已减少25％或十亿澳元。反之，中国游客由1996年至今上升五倍，至二十九万二千人，载家持续高速增长，相信有一天超过日本游客嘅数目及消费金额（今年约二十一亿澳元，较2001年二十八亿元大减）。影响最大系出售澳洲蛋白宝石（opal）嘅店铺，九十年代其门如市，买家以日本人为主，今天生意最低限度跌咗一半。随着日本经济萎缩，各地日本游客（包括香港）大减：反之，中国游客喺世界各地却高速增长！
喺股市内，炒短线不外〃追、揸、沽〃，似乎十分简单。今年5月至今嘅客观环境咁唔友善，往往可令炒友失去食午餐嘅兴趣。短线炒作所产生嘅压力，并非一个未受培训嘅普通散户可以承受。为协助短线炒友，我老曹提供几条禁忌，等各位靠镬铲食饭嘅读者遵守：一、唔好买入嗰 D 股价低于十天移动平均线5％嘅股份。二、唔好买入表现唔及大市嘅弱势股。换言之，只应追入嗰 D 喺十天移动平均数之上嘅股份，并以十天线做止蚀位。永远只炒强势股，除非技高人胆大，不然少涉足低成交额嘅股份，呢类股份波幅往往十分大。炒股票不能只凭直觉，应建立一套方法（methodology），然后严格遵守。
年轻人致富之道系与父母同住。日本人1990年早已咁做：英国人随着楼价上升，愈来愈多人与父母同住；甚至美国人一向崇尚独立自主，亦愈来愈多人与父母同住。与父母同住可节省租金（或供楼）资金！以香港为例，普通住宅单位每尺二十元计，每月可省回一万元，仲有电费、水费、管理费开支亦唔细。换言之，与父母同住者，平均每月可节省一万五千元，一年十八万元。大学毕业后与父母同住多五年，你已较其他人手上多咗一百万元，如好好运用呢一百万元。好易变成小富，原来致富之道就系咁简单！反之，大学毕业后便崇尚独立自住，你便好难获得第一桶金。有第一个一百万元协助，你嘅一生将好辛苦。大部分父母都唔介意子女与自己同住多五年（包括婚后），通常有咗第一个孩子后才搬开，何况上述已系世界潮流。日本人早已咁做，英国人已经咁做，美国人亦咁样做，香港人你有冇咁做？
财富无尽为善最乐
晌世界标准人均收入三千美元一年之前，你嘅收入增加可令你更快乐；一旦超过此数，即使你嘅收入增加，快乐指数所受影响递减。即系话年收入三十万美元者，未必较年收入三万美元者更快乐。以日本人为例，今年肯定较1956年富有许多，但日本人快乐指数由1956年至今变化唔大；今年美国人亦唔见得较一百年前更快乐。1977年 Fred Hirsch 写咗一本书《The Social Limits to Growth》，佢认为人类一旦解决衣食住行，之后所追求嘅快乐系相对性。例如自己拥有嘅车较别人嘅车更豪华；自己子女进入名校而沾沾自喜，因只有10％港人子女可进入；或自己住嘅屋较普通人更豪……。为咗呢 D 抽象嘅东西，可令人类不断追求甚至忍受因炒股
